Ապրիլի 13-ին ԵՊՀ-ում կայացավ Հայկական համադպրոցական գիտության փառատոնը, որին «Այբ» դպրոցի նախագծային ուսումնառության «Կանաչ քիմիա» և «Կանաչ ֆիզիկա» ակումբները մասնակցեցին իրենց նախագծերով։ Հաղթող նախագծերից է «Կանաչ քիմիա» ակումբի «Ծանր մետաղները ջրում» նախագիծը, որով էլ մեր աշակերտները կմասնակցեն սեպտեմբերի 9-14-ը Լեհաստանում կայանալիք The European Union (EU) Contest for Young Scientists (EUCYS) 2024 միջազգային փառատոնին:
«Քիմիա» անվանակարգում I կարգի մրցանակային տեղ է զբաղեցրել «Կանաչ քիմիա» ակումբի նաև «Կենսաքայքայվող պոլիմերային թաղանթի ստացման սարքի» նախագիծը, իսկ «Powerfil» նախագիծն արժանացել է պատվոգրի: Ակումբի ղեկավարներն են Լիլիթ Համբարձումյանը և Լևոն Սարգսյանը:
«Ֆիզիկա» անվանակարգում III կարգի մրցանակային տեղ է զբաղեցրել «Կանաչ ֆիզիկա» ակումբի «Փոքր հողմային էլեկտրակայան ճանապարհների լուսավորման համար» նախագիծը։ Ակումբի ղեկավարն է Սլավիկ Ալավերդյանը:
Հայկական համադպրոցական գիտության փառատոնի եզրափակիչ փուլում «Մաթեմատիկա և ծրագրավորում», «Ֆիզիկա և աստղագիտություն», «Քիմիա», «Կենսաբանություն», «Հասարակական գիտություններ» անվանակարգերում ներկայացվել է շուրջ 70 հետազոտական նախագիծ։
